What’s the Difference Between 4G LTE & VoLTE?

VoLTE: ഒരു ചെറു വിവരണം.

വോയിസ് ഓവര്‍   LTE എന്നതിന്റെ ചുരുക്കെഴുത്താണ് VoLTE എന്നത് . മൊബെല്‍  വിദൂരാശയവിനിമയത്തിലെ നാലാം തലമുറ ആയ  4ജിയെ സാധ്യമാക്കുന്ന ഒരു സാങ്കേതിക സംവിധാനം ആണ് LTE-  Long-Term Evolution എന്നത്. മുന്‍തലമുറയിലെ വിദൂരാശയവിനിമയ സംവിധാനങ്ങളെ അപേക്ഷിച്ച് കൂടുതൽ വേഗതയിലും ഗുണമേന്മയിലും ഡാറ്റാ ട്രാന്‍സ്ഫറിംഗ് ഇതില്‍ ലഭ്യമാവുന്നതാണ്.

ഒരു ഫോണ്‍വിളിയില്‍ പരസ്പരം വ്യവഹാരം ചെയ്യുന്ന  ഡാറ്റയുടെ ( ശബ്ദം ) ഒഴുക്ക് ഉറപ്പാക്കേണ്ടിയിരിക്കുന്നു. ഇത് രണ്ട് തരത്തില്‍ പറ്റും. 

1. Circuit switching : ഒരു ഏന്‍ഡ് ടൂ ഏന്‍ഡ് കണക്ഷന്‍ രൂപികരിച്ചു അത് വഴി ഡാറ്റ കൈമാറുക.

2. Packet switched : ഡാറ്റയെ ചെറിയ പായ്ക്കറ്റ്സ് ആകി മാറ്റി പലവഴി കൈമാറ്റം ചെയ്യുക.

VoLTEയുടെ മുന്‍പ് ഡാറ്റ ട്രാന്‍സ്ഫറിംഗ് റേറ്റ് കുറവ് ആയതിനാല്‍ ഫോണ്‍കോള്‍ circuit switching വഴി ചെയ്യുക ആയിരുന്നു പതിവ്. ഇന്ത്യയില്‍ ഇപ്പോഴും പല 4ജി ദാതാക്കളും ഇന്റര്‍നെറ്റ്‌ LTEയിലും കോള്‍ 2ജി/3ജി യില്‍ സര്‍ക്ക്യൂട്ട് സ്വിച്ചിംഗ് വഴി ആണ് നല്‍ക്കുന്നത്. VoLTE യുടെ പ്രത്യകത കൂടുതല്‍ വേഗത്തിലും, കൃത്യതയും ഉള്ള ഫോണ്‍കോള്‍ VoLTE ഉപഭോക്താക്കള്‍ തമ്മിള്‍ സാധ്യം ആകുന്നു എന്നതാണ്, ഇതാണ് HD calling എന്ന് പറയുന്നത്. ഒപ്പം  കൂടുതല്‍ മള്‍ട്ടിമീഡിയ ഓറിയെന്റട് ആയ  ഇൻട്രാക്ഷനും ലഭ്യമാകുന്നുണ്ട്.